د افغانستان پخواني ولسمشر حامد کرزي وایي د
سوریې په جنګ کې د روسیې پوځ د ایران او ترکیې په ملاتړ یوه مهم رول
لوبولی دی خو د افغانستان
په هکله ښاغلي کرزي وایي مسکو کولای شي د اقتصادي، سیاسي او ډیپلوماټیکو مرستو په وسیله یوه مهم رول ولوبوي.
په هکله ښاغلي کرزي وایي مسکو کولای شي د اقتصادي، سیاسي او ډیپلوماټیکو مرستو په وسیله یوه مهم رول ولوبوي.
نومړی د روسیې سپوټنیک دولتي ټلویزیون سره د
مرکې پر مهال وویل چې امریکایي ځواکونه هم باید په افغانستان کې خپل پوځي
عملیات بند کړي او په افغانستان کې د موجود تاوتریخوالو د حل په موخه روسیې
باید له امریکا او نورو هېوادونو سره بحث او خبرې پیل کړي.
ښاغلي کرزي زیاته کړه، چې واشنګټن هم باید د
افغانستان په هکله په خپل تګلاره کې بدلون راوړي ځکه افغانستان د نورو
هېوادونو د رقابت دګړ نه شي ګرځیدلاي.
د پخواني ولسمشر په وینا، افغانستان د یو
خپلواک هېواد په توګه نشي کولای د واشنګټن د ګټو پر اساس له نورو هېوادونو
سره اړیکې ټینګې کړي.
دا په داسې حال کې ده چې د امریکا پوځ
چارواکي وایي روسیې، ایران، او پاکستان په وروستیو کې له وسله والو طالبانو
سره خپل مرستې ګړندی کړي.
د چارواکو په وینا، روسیې او ایران هڅې کوی د طالبانو په مرسته د اسلامي دولت نومې ډلې یا داعشیانو د نفوذ مخه ونیسي.
